سيب الباب مفتوح ع الاخر
و كبر الشبابيك
أرفع السقف لفووووووووووووووووووووق
سيب باب قلبك مفتوح لكل الناس
سيب باب قلبك مفتوح وما تقفلهوش ع أحزانك
سيب باب قلبك مفتوح عشان الهوا يدخل و ما فيش حاجة تكمكم فيه
خلى الشبابيك اللى بتبص بيها ع الدنيا واسعة قوى
شوف كتير
اقرأ كتير
اتطلع ع أشياء جديدة و مختلفة
بس بتمعن و دقة
و ألقط كل حاجة مفيد
لكن ما تكونش متفرج و بس
لازم تشارك باللى اتعلمته و تكون فعال ف حياة الاخرين
أرفع سقف طموحاتك لفووووووووووووووووووووق
حدودك السما
لكن لازم تعرف انت واقف على أنهى أرض
تعرف طموحاتك و قدراتك كويس
و لازم تعرف ان اللى تقدر تعمله بمواهبك ملهوش حدود
تقدر تعمل أكتر من اللى أنت متخيله مية مرة
و أول ما تبدأ تتحرك
ربنا يبعتلك الخير الكثير
و تلاقى ناس طلعولك ما تعرفش منين
حيساعدوك و يدوك ثقة بنفسك
خلى عندك ايمان بربنا و بنفسك
أعرف نعم ربنا عليك و أشكره عليها و أستغلها كويس جدا
لان فيه غيرك محروم من النعم اللى معاك .
